На падставе рашэння Брэсцкага аблвыканкама ад 8 снежня 1945 года пры аддзеле па справах будаўніцтва і архітэктуры Брэсцкага аблвыканкама была створана Брэсцкая праектная кантора "Брэстаблпраект". У задачы "Брэстаблпраекта" ўваходзіла будаўнічае праектаванне (архітэктурнае, архітэктурна-будаўнічае, санітарна-тэхнічнае) гарадоў, райцэнтраў, камунальных і вытворчых прадпрыемстваў Брэсцкай вобласці, вытворчасць геалагічных работ, тапаграфічных здымак, распрацоўка праектных рашэнняў, тэхнічных праектаў, працоўных чарцяжоў, аўтарскіх назіранняў на будпляцоўках за выкананнем праектаў.
На падставе пастановы Савета Міністраў БССР за № 1622 ад 28 лістапада 1948 года і загада Упраўлення па справах будаўніцтва і архітэктуры пры СМ БССР ад 30 лістапада 1948 года Брэсцкая абласная праектная кантора была пераўтворана ў філіял Беларускага дзяржаўнага праектнага інстытута "Белдзяржпраект" Міністэрства камун. У функцыі філіяла з гэтага моманту стала ўваходзіць і ажыццяўленне праектавання і прывязак тыпавых праектаў жылых і цывільных будынкаў.
На падставе пастановы Савета Міністраў БССР за № 316 ад 3 красавіка 1959 года і рашэння Брэсцкага аблвыканкама за № 439 ад 11 жніўня 1959 года філіял быў перададзены ў распараджэнне Брэсцкага аблвыканкама і пачаў называцца «Брэсцкая абласная кантора па праектаванні сельскага і гарадскога будаўніцтва» (« ») Выканаўчага камітэта Брэсцкага абласнога Савета дэпутатаў працоўных.
На падставе пастановы Савета Міністраў БССР за № 210 ад 12 мая 1966 года "Аблпраект" быў перададзены ў распараджэнне Беларускага дзяржаўнага праектнага інстытута "Белдзяржпраект" і атрымаў назву "Брэсцкія абласныя праектныя майстэрні" Беларускага дзяржаўнага праектнага інстытута "Белдзяржпраект", функцыі майстэрняў засталіся ранейшымі. Майстэрні мелі наступную структуру: архітэктурна-канструктарскі аддзел, архітэктурна-планіровачны аддзел, выдавецкі аддзел, дарожна-пошукавы аддзел, геалагічны сектар, планавы аддзел і бухгалтэрыя. Брэсцкім абласным праектным майстэрням непасрэдна быў падпарадкаваны Баранавіцкі архітэктурна-канструктарскі аддзел, які не мае самастойнага балансу.
На падставе распараджэння Савета Міністраў БССР за № 832-р ад 22 жніўня 1969 года Брэсцкія праектныя майстэрні "Белдзяржпраект" перайменаваны ў Брэсцкі філіял інстытута "Белдзяржпраект". Структура філіяла: архітэктурна-планіровачная майстэрня, тры архітэктурна-канструктарскія майстэрні (адна з іх у г. Баранавічы), майстэрня сельскага праектавання, аддзел пошукаў, аддзел ІЦІ, тэхнічны аддзел, планава-вытворчы аддзел, аддзел афармлення і выдачы праектнай дакументацыі і бухгалтэрыя.
Брэсцкі абласны праектны інстытут па комплексным праектаванні аб'ектаў жыллёва-грамадзянскага прызначэння "Брэстграмадзянпраект" утвораны ў адпаведнасці з пастановай Савета Міністраў БССР за № 362 ад 26 снежня 1974 года і падпарадкоўваўся ў сваёй дзейнасці выканаўчаму камітэту Брэсцкага Савета народных дэпутатаў. Структура інстытута "Брэстграмадзянпраект": чатыры архітэктурна-канструктарскія майстэрні (адна з іх у г. Баранавічы), аддзел каштарысаў і праектаў арганізацыі будаўніцтва, аддзел аўтаматызацыі праектавання, аддзел інжынерных пошукаў, аддзел механізацыі праектных работ і выпуску праектаў, група падрыхтоўкі праектавання, тэхнічны аддзел , планава-вытворчы аддзел.
З 1 студзеня 1997 г. абласны праектны інстытут «Брэстграмадзянпраект» пераўтвораны ў адкрытае акцыянернае таварыства «Інстытут комплекснага праектавання аб'ектаў будаўніцтва» г. Брэст (ААТ «Брэстпраект») у адпаведнасці з рашэннем камітэта Брэстаблмаёмасць (загад № 264 ад 24 снежня 1996 г.) .
З 01 ліпеня 2005 года на базе архітэктурна-канструктарскай майстэрні № 3 у г. Баранавічы створаны Баранавіцкі філіял ААТ "Брэстпраект".
Структура ААТ "Брэстпраект" цяпер: два архітэктурна-канструктарскія аддзелы, інжынерны сектар, аддзел каштарысаў і праектаў арганізацыі будаўніцтва, аддзел інжынерных пошукаў, тэхнічны аддзел, планава-вытворчы аддзел, аддзел выпуску, група інжынерных паслуг у будаўніцтве, кадравая служба, юрыдычная служба, сектар кіравання якасцю, бухгалтэрыя, гаспадарчы аддзел.
